مرکزی صفحہ / براہوئی / بلوچی واُردوزبان نا پنی آ شاعر عطاء شاد

بلوچی واُردوزبان نا پنی آ شاعر عطاء شاد

نمشتہ:………..ماجد حیدر بسیمہ
کوہساروں کی عطا رسم نہیں خاموشی
رات سو جائےتو بہتا ہوا چشمہ بولے
بلوچی زبان نا پنی آ شاعر قلمکار عطا شاد نا کرد ءِ گیرام کننگ کپنہ …عطا شاد ہچوتعارف اسے نا محتاج اف او تنیا بلوچی زبان شاعر اس الو بلکہ بلوچی تو اوار اُردو زبان نا ہم گچینا شاعر تو ن شمار تا مسکہ.
1نومبر1939ء ٹی مکران کیچ اٹ ودی مروکا دا شاعر تینابنائی تعلیمے تربت آن دوئی کرے اوکان گُڈ گورنمنٹ ہائی اسکول پنجگورٹی میٹرک ءِ پاس کنینگ آن گڈ انٹر او بی اے گورنمنٹ کالج کوئٹہ آن کرے. ۱۹۵۵ آن شاعری نا بُنداو ءِ کرے”سنگاپ ” او "برفاب” اونا اردو شاعری تا مجموعہ تا پنک او . بلوچی مجموعہ تا پنک "روچ گر”,”شپ سحارا ندیم ” . لسانیات اٹ عطا شاد اسہ گچینو پن اس تخک دُنکہ اونا کاریم اردو بلوچی لغت داڑن بے دس ہفت زبانی لغت اٹ بلوچی کن کاریم کرے.
عطاء شاد ےاونا ادبی کاریم تا اعتراف اٹ ۱۹۸۳ ٹی صدارتی ایوارڈ حسن کارکردگی ۱۹۹۲ ٹی ستاہ امتیاز دوئی کرے
عطا شاد نا خیال اٹ کُڑمبی اس. قدیم او جدید شاعری باز گچین نوشتہ کرے کہ عطا شاد مدام تینا بولی ءِ مُستی دَننگ کن جُہد کریکا .
عطا شاد تینا شاعری ٹی قوم نا بزگی , محرومی نا ترجمانی ءِ باز گچین ووڑاسے ٹی کریکا. اودے تینا ڈھیہ تینا خاک تینا پُھلا وطن تو مہر او مابت اس .اوتینا لمہ بولی نا ترجمانی ءِ باز گچینووڑاسے ٹی ہر تلہ ہر اسٹیج وپلیٹ‌فارم آ کرے.
عطاء شاداردو او بلوچی ادب اٹ اسہ گچینو پن اس تخک .
اونا شاعری آن اندا چانداری مریک او ترقی پسند سوچ تخوکو زانتکار اس مسنے راج اٹ تینا شاعری نا زریعہ ٹی شعور بشخوکا عطاء شاد نا اصل پن محمداسحاق اس اس .اواُردو، بلوچی آن بید انگلش وفارسی ٹی ہم نوشتہ کریکہ شاعری آن بید نثری پڑا اوفک ڈرامہ ولغت نگاری آ باز کاریم کرینو:
عطاء شاد قبائلی نظام , نیم جاگیردارنہ , سرمایہ دارانہ نظام نا خلاف اس ہر وخت تینا شاعری ٹی دافتا مذمت ومزاحمت کرینے قوم بیدار کننگ کن نوشتہ کریکا ولے دا قومی سرمایہ بلوچی زبان نا گچین پن ادیب او شاعر دانشور عطا شاد ننے آن 13 فروری 1997 نا دے شال اٹ جتا مس :

Facebook Comments
(Visited 25 times, 1 visits today)

متعلق براہوی حال حوال

براہوی حال حوال