مرکزی صفحہ / براہوئی / شہید عبداللہ قہار او شہید تنویر آحمد سرپرہ کن ارمان اس

شہید عبداللہ قہار او شہید تنویر آحمد سرپرہ کن ارمان اس

نوشتہ :شیر محمد سرپرہ
آہ ۔۔۔بس کہ کنا ساہ نما ارمانی آ ہر لوز اینو ٹپی دتر چر تو ارے کہ ارے۔۔۔ ولہ ایلو بیقرار آ استے آتے پین لوہڑ ترہسہ پوغ تیا بیسنگ ٹی اے ۔۔۔۔ موغوکا ٹپ آ تے بے شاغسہ خازہ کننگٹی اے۔۔۔بے وس آ خنک تینا قہار آتیکن دتر نا خڑینک شولنگٹی او۔۔۔
او انجم ۔۔۔۔کنا زیبا ٹپی آ است آتے ترخیفوکا نما ٹپ، دڑد غم او ارمان تا دیر اے بننگ نا وس ارے۔۔۔
اف ۔۔انت نے سما اے۔۔کہ غم تیکن زندہ آتے ٹی اخہ احساس ارے ۔۔ دا کیفیت اے تو بیرہ اللہ جان تینٹ جوان چاہک۔۔
لوز آتیٹی تپرہ کہ نے امر دلاسہ ایتو۔۔۔بھاز کڑمبی ٹی سر پند مریوہ نما دڑد او ٹپ او ارمان اے۔۔ کہ دا غم ناچوڑ اخہ ملم او درمان خواھک۔۔۔پوجندی آن پیشن اے۔۔۔ ولہ انت نے سماء اے ۔۔ کہ ای ہم اسے قہار اس گوآنٹ ۔۔۔بیرہ ای نی آخا۔۔کنا ساہ ننا ۔۔۔ تہوئ آ زیبا غا وطن بلوچستان نا خلق خلق ،گدان گدان ،اورا اورا ٹی خاخراے ۔۔ داڑے غٹ تینا پھلنگا قہار تے گوآنو ۔
دیر دیر اے۔۔ اراڑے اراڑے امر امر گوہانے۔۔دیر اے سماء۔۔دیر سماء اف۔۔ رب اے سماء اے۔۔۔
۔۔۔ننا براہوئ بولی نا ھنین او متل سے پارہ” غم اے غم آدرک "۔۔۔ یا دڑد اے دڑد سہوک اس پو مریک۔۔۔
یکم مئی 2012 نا 2بجہ نا پار او پاس اس اسے زیبا او پھل اس نن ہم گوہان۔۔۔
دا گروشخی آ دروشم او بڑزنگا بالاد نا خواجہ کنا پھل شہید تنویر جان سرپرہ نا ھنین آ پنٹ یات مریک۔۔
شال نا شومنگا آ آدم خور آ سڑک کہ داد سریاب روڈ ہم پارہ۔۔۔
اندا سریاب روڈ آ کنا دا محصوم کودک پیشتما ۔۔۔اے کہ پدا ۔۔بالی آ چک انبار دوارہ نظر بتو۔۔۔ھرانا لاش سول ھسپتال نا شعبہ حادثات آن بر آمد مس۔۔۔
تنویر زیبا نا شہادت آن 5منٹ مالہ نا زیبا غا توار اینو ام کنا خفتیٹی زمبک ۔۔بھاز بے کچ ہوغفک۔۔۔کہ او زیبا ننا دوی آن پیشتموکا لوز آتے بننگ توں تعمیل کن بش مس۔۔ پارے بھائی جان نم ارغ کونسہ مبو۔۔۔ ای رم ٹی بس بیرہ 2 منٹ ٹی۔۔ نم کن روڈ آن زو اس ڈہی او گرم او پکوڑا ھلیوہ بریوہ۔۔ای اینو ام سڑک آ سلوک پکوڑا بہا کروک آ بخال اے سوج کیوہ۔۔ سیٹ کنا پھل کہ نے بسس نی اودے امر خناس۔۔ نما خڑینک آتے تینا چھپی ٹی نواریفسہ۔۔۔ او بےوس امو منظر اے خیال و دماغ ٹی ھتیسہ۔۔ اینو ام گنگ آتیان بار شل مریک کنا مونٹی ھورک۔۔پین ہچ پاننگ کپک۔۔۔
کنا زیبا غا شہید تنویر جان تعمیر نو پبلک اسکول آرچرروڈ کوہٹہ ٹی میٹرک نا طالب علم اس۔ خواننگ او تران ٹی حد درجہ لاہخ آس۔۔تینا چنکے چنکا ایلم آ ۔۔ او نا ہیڑ ایلم، لمہ باوہ ،توں ہوار اوڑا ننا کل اے خلق او خاھوت اے ناز اس ۔۔۔او اندا سال تینا باوہ پیرئ آ علاقہ کردگاپ آن شال آ بسس ۔۔بیرہ علم حاصل کننگ اونا اسٹنگا مقصد اس ۔۔او داسکان گوگڑوس اس ۔۔ باوہ لمہ نا بے سہب آ تغک یا شہید تنویر جان سرپرہ نا تینا گچین آ وژن او خواہنداریک انت انت اسر۔۔اوفکے انت رسینگا ۔
۔۔ارمان ارمان۔۔۔بیرہ ارمان
نازرکا تنویر جان توں انت مس۔۔۔بد قسمت آ خاھوت نا اینو حالت انت اے۔۔دیر اے سماء اے۔۔۔
کنا خنتا دیدہ سڑک آ رسینگ تون ظالم ناروا تا بم او باروت آتا اس اے توار تون۔۔ لس کسری سینا احیثیت اٹ موت نا باخو جوڑ مس۔۔۔ہمو وخت نا حکمران آک واقعہ روایتی وڑ اٹ شیف ہم خلکر۔۔۔ولہ انت کریر۔۔۔اچ کتوس۔۔۔
آہ مومن خون ان بد ترولہ شہید نا بےوس آ ناخوانندہ او سادہ غا لمہ اینو زندہ لاش جوڑ اے۔۔ دیر اے پرواہ اے۔۔۔۔۔۔دیر اے سمااے۔۔۔
بندغ اس کہ مثبت سوچ نا بھرم اے نعش نا دروشم ٹی ارفک۔۔۔۔انت او نا احساس انجم نا است نا لمبئ آ خاخر نا ہواڑ او ویدن اے تپک۔۔۔انت انجم نا دا بھلا ٹپ او ارمان بیرہ او نما جون او جان آٹی اے۔۔۔
شہید عبداللہ قہار نا اولیکو برسی آ ای انت لکھوٹ۔۔ کہ کنا مونا تینٹ یکم مئی 2012 ٹی قیامت شلوکا واقعہ نا وخت وپاس اینو 6سال نا مدت گدرینگ آن گڈ ہم بیرہ منہ منٹ مالہ نا واقعہ لگک۔۔۔
گڑا پار کہ امر نا غم آن کس بے غم مریک۔۔۔
دھن مریک پا امر ۔۔۔
دھن مریک پا امر۔۔۔۔

Facebook Comments
(Visited 19 times, 1 visits today)

متعلق براہوی حال حوال

براہوی حال حوال