مرکزی صفحہ / براہوئی / بلوچ کلب بحرین ئٹی”ڈاکٹر بیزن بلوچ” تون مجلس ئس

بلوچ کلب بحرین ئٹی”ڈاکٹر بیزن بلوچ” تون مجلس ئس

حوال کار: عِمران فریق
اِستو ۲۲ جنوری ۲۰۱۸ آ بلوچ کلب بحرین ئٹی بلوچ کلب لبزانکی دیوان ( بَلد ) نا کنڈان اَسہ اَدبی او نشست ئس علاقہ آن بروک آ مہمان بلوچی زبان نا پنی آ اَدیب، افسانہ نگار، مترجم بلوچی اکیڈمی نا مشاورتی کمیٹی نا باسک خواجہ ڈاکٹر بیزن بلوچ نا شرف ئٹی ہڈ تننگ آ.
دا ھَنین آ نشست اِرا بشخ ئٹی ئس اولی بشخ ئٹی ڈاکٹر بیزن صاحب نا اَدبی زندگی آ گپ ءُ تران مَس او اِرٹمی بشخ مشاعرہ نا ئس.
دا ھنین آ پروگرام نا میزبان بلوچ کلب لبزانکی دیوان ( بَلد ) نا چیئرمین خواجہ افضل مراد ئس. او نشست نا بنا ءِ بلوچ کلب بحرین نا چیئرمین خواجہ عظیم بلوچ تینا ھنین آ ھِیت ءُ گپ آتیان کرے.

ڈاکٹر بیزن نا اَدبی تخلیق آ تیٹی دا وخت اسکان ہشت کتاب مون آ بسونو اولی کتاب ” سچکان ” ہرا ٹی دنیا نا گچین آ افسانہ غاتا بلوچی زبان ئٹ ترجمہ کننگانے. دا کتاب بلوچی اکیڈمی کوئٹی آن شینک مسونے.

اِرٹمی کتاب ڈاکٹر صاحب نا ” درامد ” فرانسیسی ناول نگار البرٹ کامیو نا ناول ” The Stranger ” نا بلوچی ترجمہ ءِ ہرا بلوچی اکیڈمی کوئٹہ نا شینک مسونے.

مُسٹمی کتاب ” سدھارتھ ” جرمن نا پنی آ ناول نگار ہرمن ھیسے نا گچین نا ناول ” Siddhartah ” نا بلوچی ترجمہ ءِ ہرا بلوچی اکیڈمی کوئٹہ نا کنڈان شینک مسونے.

ڈاکٹر صاحب نا چارمی کتاب ” ایوان لیچ ءِ مرگ ” پنی آ روسی نوشتہ کار لیون ٹالسٹائی نا ناول The Death of Liven Ilyech نا بلوچی ترجمہ ءِ ہرا سنگت اکیڈمی اآف سائنسز کوئٹہ نا نیمہ غان چھاپ ءُ شینک مسونے.

ڈاکٹر صاحب نا پنجمی کتاب ” قلات ” جرمن نا ناول نگار فرانزکافکا نا ناول ” The Castel ” نا بلوچی ترجمہ ءِ ہرا بلوچی اکیڈمی کوئٹہ نا پارہ غان شینک مسونے.

ششمی کتاب ” پنت ءُ قصہ ” ڈاکٹر صاحب نا اَمو بلوچی کتاب ءِ ہراٹی چناتیکن پنت ءُ سوج نا گپ کننگانے ہرا ننا بلوچ چناتیکن باز زیبا او ٹیکی ئسے دا کتاب بلوچ ادبی جہد کار ( باج ) نا نیمہ غان شینگ مسونے.

” گوئر گیدی ” ڈاکٹر صاحب نا عِہدی قصہ غاتا امو چھمولی مروکا مجموعہ ہرا بلوچی اکیڈمی کوئٹہ نا شینک مسونے.

” مہرگ ” ڈاکٹر صاحب نا ہشتمی کتاب وخت ئنا گچین آ قصہ غاتا گچین او مجموعہ ئسے ہرا بلوچستان اکیڈمی تربت نا کنڈان شینک مسونے.

شاعر آتا شاعریک بلوچ کلب بحرین نا اُفیشل پیج Baloch Club Bahrain ئٹی لایف ریکارڑنگ نا شگل ئٹ ساڑی او. پروگرام ئٹی ساڑی مروکا شاعر آتا پنک دا ڈول او

فضل حیات
خالق ارمان
غنی ابدال
امام جعفر
شریف بیوس
چاکر علی ابرار
تاج بشیر
محمود خان گچکی
بہار زھری
عمران فریق
عدنان مقبول
جہانزیب بلوچ
لَکی بلوچ
عبداللہ بلوچ
سلمان ابراھیم
عزت راھی
شہنواز شاہ
اصغر وفا
مسلم گچکی
غفار مندش
ستار ساحر
شعیب معسوم
ظہور روبنی
عارف بلوچ گوَکی

دا ھنین آ نشست ئٹ بلوچی زبان نا پنی آ شاعر خالق ارمان نا شاعری نا کتاب ” قصہ رمیزاں گِپتگ اَنت ” نا مون پاشی ھم مَس.

منتوار

Facebook Comments
(Visited 30 times, 1 visits today)

متعلق عمران فریق

عمران فریق
مصنف براہوئی زبان و ادب کا نوجوان لکھاری ہے شاعری کے علاوہ افسانے، تبصرے اور تنقیدی موضوعات پر لکھتے ہیں۔ براہوئی اشعار پر مشتعمل مجموعہ "کلام کرو" کے نام سے شائع ہو چکی ہے