مرکزی صفحہ / بلوچی / استاد پہل کن

استاد پہل کن

اختر قاضی

من دیر انت کہ لبزانک ءَ
بندوکاں ، اے سفر ءَ بازیں زانتکار کواساں گوں دچار کپتگاں ،
2010 ءَ نوکاپ لبزانکی مجس ءَ انور عیسی ءُ عارف بارکزئی ءِ نام ءَ دیوان ءِ ایر کرت ، ( آ وہدی نوکاپ لبزانکی مجلس ءِ گرانیں بار کار مستری چو مروچی منی نزوریں کوپگان ات ).

اے دیوان بلوچی زبان ءِ مزن نامئیں شاعر ءُ زانتکاراں بہر زرت ،
چد ءُ پیسر من لبزانکی کاراں گوں گیروشگ نہ بوتگاں پمیشکہ گیشیں شاعر ءُ زانتکاراں گوں دچار نہ کپگ ءِ نیمون ہمے بوت کنت.

اولی رند ءَ من گوں لیاری اتکگیں شاعرانی ہمرائی ءَ یک نوکیں دروشمے دیست ،
واجہ ءِ پجار غلام حسين غلام انت یکی ءَ واجہ ءِ پجار گوں من کنائینت ،
چد پیسر من واجہ ءِ شعر بلوچی لبزانک ءَ دیستگ بوتگ انت ،
دیوان بندات بوت ، گشتانکی بہر آسر بوت ، وہد اوں شتگ ات شاعر باز اتاں مردم پہ استاد ءِ گوشدارگ ءَ نشتگ اتاں واجہ ءِ تَلّو ءِ سر ءَ نندوک ات ءُ گڈی شاعر ات ، ( استاد نور محمد نورل ءَ من ءَ ہلوت کرت کہ قاضی پہ کماشاں کمبل بیار چیاکہ زمستانی مغرب سک سرد انت ).

یک پہ یک شعر وانی بوت گڈی ءَ استاد اتک یک رندے پدا دیوان بندات بوت گوں چاپ ءُ واہ واہ ءَ ،
اے روچ ءَ پد مئے ءُ استاد ءِ نزیکی بوہان بوت ،
استاد دائم مئے دیوانانی پاگ بوتگ ، استاد ءَ لیاری ءِ میتگ کلری ءَ یک لبزانکی ادارہ ئے دیم ءَ آؤرت ، بلوچ گہبودی گل کہ استاد ءِ لبزانکی ادارہ ات ،
ما برے برے دیواناں کہ استاد ءَ دیدار ءَ سیر نہ کرت گڈا دیم پہ استاد ءِ لبزانکی گل ءَ در کپتیں.

بلے اے زمانگ ءَ دیر انت کہ استاد نہ دیستگ ات ، ہما زمانگ کہ استاد میتگ رؤگ بوتگ گڈا ماہ ءِ سر ءَ یک برے الم استاد ءِ کرا سرے جتگ ،
ہما زمانگ ءَ منی دل ءَ باز ہُل کرت کہ استاد ءِ گلگدار ءِ بہ زوراں گڈا من چندن ساچ ءِ ہمرائی ءَ لہتیں جست ایر کرت انت ( اے زمانگ ءَ من چندن ساچ نور بلیدئی گوں وتی سنگتاں سّے ماہی مستاگ ءَ چاپ ءُ شنگ کنگ ءَ اتاں )
منی نز ءَ ٢٠١٢ ءِ گپ انت من دائم شتاں استاد ءِ لبزانکی گل دیوان کرت ، استاد گڈا تو منی جست چار ات انت ، استاد ءَ کندان کندان ءَ گشت قاضی یار بِل وتی لنڈری آں شیطانی مکن.

استاد یک شمبے روچ ءَ گیش وتی کارگس ءَ اتکگ ءُ بودربر درونت داتگ انت ،
من ءَ گشتگ اتے کہ تئی جستانی پَسّواں من پہ وہد نبشتہ کناں ،
استاد یک گربیں مردمے بوتگ سوچکی ءُ انتر ءِ سر ءَ وتی روچ دیم ءَ تیلانک داتگ انت پمیشکہ من زور دات نہ کرتگ ،
استاد ءِ میتگ ءِ نگیگیں جاورانی سبب ءَ مئے رؤگ بند بوت.

استاد ءِ یک بلائیں واہگی ات کہ منی وانگی منی زند ءَ دیم ءَ بئیت انت بلے بژن چوش نہ بوت باریں کجا بوت انت بلوچی لبزانک ءِ ہما ادارہ کہ استاد غلام حسين غلام ءِ وڈیں شاعراں چہ گاری ءُ بیگوائی ءَ بہ رکہین انت ، استاد ءِ شعر بلوچ گہبودی گل ءِ سنگتاں چہ استاد ءِ پتینکان شوہاز کرت انت بلے مئے دست ءَ ہچ نہ بوت ، یک برے من استاد صبا ءَ گشتگ ات بلے واہگ پیسر نہ سر جم بوت ،
بلائیں مدتی ءَ چہ پد استاد شما دیم ءَ آؤرتگ استاد ءَ نوں گاری ءَ نیلت استاد صبا ءَ دائم سنگتاں گشتگ .

استاد ءِ کتاب ءَ پہ وہد من دیم ءَ آرگ لوٹاں اگاں گہبودی گل ءِ سنگت استاد ءِ کتاب ءَ من ءَ بدی انت ،
استاد من ءَ پہل کن کہ تئی نادرائی ءِ حال من ءَ سر بوت بلے زند ءِ دست گٹیانی سوب ءَ من اتک نہ کرت ، پیری کہ من واب ءَ پاد اتکاں داں میسجانی یک نہ بروکیں کتارے درست تئی بیرانی ءِ دل سوتکیں جار انت ،
بژن کہ استاد ءِ گڈی دیدار ءَ بلوچ شاعر ءُ زانتکاراں آہیگے موہ نہ بوتگ ،
دعا انت کہ ہاوند استاد ءِ کاراں شر بکنت.

استاد گوں وتی شاعری ءُ بہشتی بچکند ءَ بلوچی لبزانکے درپشناکیں استالے ات کہ چہ ما جدا بوت ۔

Facebook Comments
(Visited 13 times, 1 visits today)

متعلق اختر قاضی

اختر قاضی