مرکزی صفحہ / براہوئی / بیشک دعا تا بلو اثر ئس مریک

بیشک دعا تا بلو اثر ئس مریک

نوشتہ : شیخ عتیق حسرت
کوئٹہ ٹی دے ٹکی بائی پاس ائے ھوٹل ئسے ٹی ای او کنا خڑک او سنگت ئس عبدالرازق محمدشہی جوان خوش گپ اسن او کنے آن سوج کرے انت کننگ اس ای تینا اختئی تا پاریٹ تا
ولدا اوڑان سوج کریٹ خواجہ نی انت کننگ اس پارے پرائویٹ او اسکول ئسے ٹی خوانفنگ اٹ بس مزہ اف الوہ تا
ای اونا ھیت ے کاٹ کرسہ پاریٹ انت گنوک مننگ اس ٹیچری ے النگ اس
پارے یار سواری اس اف کنے پیدل کاوہ بریوہ
ای اودے پنت ترسہ کریٹ کہ نی قوم ئنا اسہ عظیم او سرمایہ سے اس وطن نا بے وس آ حالت ائے احسان کننگ اس اونا چناءتے خوانفنگ اس نی کنکن کنا مخلوق او قوم ڈغار کن بلو خزانہ ئسے اس
ای پاریٹ نی دعا کر خدا کنے گاڑی اس ایتہ ولدا ھڑدے ای نے دیوہ اتیوہ نی بیرہ ھمو چناءتے خوانف
بلو آڑسندہ ئس کشا پارے شیخ صاحب ناراض مفیس اوڑان گڑا تینکن دعا کیو خدا کنے گاڑیس ایتہ اٹ او مٹ پین آن کمک الوٹ
کنا مچٹ باء خراب مس یار دا انت کرے کنے بند کرے ای سوچ ئٹی اسٹ
اچانک تبلیغی مرکز رائےونڈ نا بزرگ کنا استاد محترم مولانا غلام اکبر صاحب مدظلہ العالیہ نا پٹک انگا بالاد خوش طب آ مزاج خلکن انگا لہجہ کنا خف ٹی اونا توار کس پئے کنتون مخاطب ے کنے پاننگے شیخ وختس کہ عربستان نا عرب آک بریرہ کنے غا پارہ مولانا ننکن دعا کر گڑا ای اوفتے پاوہ نم دا خوارے نما حق اٹ دعا قبول مرے عرب آک پاریر بلکل نن ھندا خاطران نے منت کننگ ان
تو مولانا پارے ای اوفتے پاوہ تا نم کنکن دعا کبو فرشتہ غاک پارہ اللہ اسہ وار اونا مسخت ے پورہ کر دا پابو او دعاک قبول مریرہ یا نہ ہرا ٹی فرشتہ غاک آمین کیرہ او دعا کیرہ عرب آک گڑا دوتے بڑزا کیرہ کنکن اوغرہ دعا کیرہ
ای داسکان استاد جی نا دا ھیتے پورہ کتوسٹ خناٹ کہ عبدالرازق کنکن دعا ے شروع کرے
ائے اللہ شیخ عتیق نا عمل آتئے ھرپیس اودے جوانو گاڑیس ایتس عزت مرتبہ شان او شوکت مال دولت بے حساب
ای سخت سخت آن آمین کننگ اسٹ انتیکہ او کنکن دعا کننگ اس گڑا جوان دعا کرفیٹ تا
منہ وخت آن گڈ کراچی ٹی ملاقات مس اوڑتون
کاٹن نا پچ واسکٹ باز زیب کریکہ بشخندہ میزان ھوٹل نا سیڑھی آن شیف دڑنگ اسکہ
سلام دعا آن گڈ سوج کریٹ تا انت کننگ اس پارے ایلم خدا گنج تسونے کنے مال دولت گاڑی کوٹی اللہ تعالی نا باز مہربانیک مسر کنے آ
ای باز خوش مسٹ ولدا افسوس ھم باز کریٹ انتیکہ داخاطران اودے دعا کرفیٹ تینٹ اوڑکن انتئے دعا کتوٹ???
بس داسہ ھر بندغ کن دعا گو اٹ رب نمے ھر ھمو گڑائے ایتہ ارا نا کنے طلب ے

آمین ثمہ آمین

Facebook Comments
(Visited 20 times, 2 visits today)

متعلق عتیق حسرت

عتیق حسرت
شیخ عتیق حسرت مینگل ،براہوئی زبان نا پنی ونوشتہ کاراسے اوفتا داوخت اسکان مُسہ کتاب شینک مسنو ہرافتیٹ ہیراتاچمولی، تِرکَڑو شیکان اوارو۔ اوفتا تعلق شہوان ادبی کاروان نوشکے آنے شاعری آن بید نثراٹ ہم گچینو اندازاسے ٹی لکھرہ: