مرکزی صفحہ / بلوچی / کَبر کُوچ

کَبر کُوچ

نزردوست

دین محمدپنام دِینوک پہ پنچ سَدّ کلدارءَ کَبرکُوچیت ـ

ھَرکجُءَ کہ مردمے مِریت دینوک ءَ توارجن اَنت ـ آ دِرک بیتءُ روت ـ

یک رندے ھَوپے کپت ـ بازیں مَردمے بیران بوت ءُ دینوک کَبرءِ کوچگ ءَ نہ رَست گوں ـ آئیءِ جاہءَ مردماں دگہ مردم آورت ـ آھاں کہ کبرءِکُوچگءِ مُژدہ وارتءُ گڑا آھاں کم کم ءَ دینوک ءِ جاگھہ گِراں کُت ـ

دینوک شپءُ روچ کُت ءُ لھتیں کبرزیادھی جَت کہ مَردمانی تلبءَ پیسر آھانی پنچ سَدّءَ دست بِگراں ـ

زیادھیں کارءُ تکانسری کَشگءَ پَد دینوک بے جان ءُ بیماربوت ـ

دینوک ءِ کُوچتگیں کَبرانی کمائی بندبواں بوت اَنت ءُ کبرھم پُربوت اَنت ـ

وھدگوزاںءُ دینوک تھتءِ باھوٹیءَ ھلاس بوتءُ مرچی دو روچ اَت کہ آئی ءِ بے ساھیں کُنٹ لوگءِ کُنجءَ پہ پنچ سَدّ کلدارءَ کَبرءِ ودارءَ اَت ـ

Facebook Comments
(Visited 11 times, 1 visits today)

متعلق نذر دوست