ڈگری شاہ

براہوئی افسانہ
نوشتہ: طاہرہ احساس جتک

بھلو نیاڑی تا مچی اس مُستی راون ئس۔ چنکو چنکو چُنا اسہ پیر ءُ بلہ اس لٹ دوٹی ٹُخسا تین تون ہیت کرسا راہی ئسرہ۔ اسٹ اس توار کر ے ہرادے آن کہ دا سید سا ئیں دا کو چہ ٹی بسنے۔ ننے آاللہ نا رحمت آک نا زل مسنو۔ بہاول نا ما رجنی ئس اونا جن آتے کشا۔ دو ستین نا کاٹم اِرا سال آن 3کر یکہ ۔اودے دم درود کر ے او جوڑ مس۔ صحبت نا مسڑ گنوک ئس ۔ او جوڑ مس۔ اللہ امر ءُ پیر و مرشد ا س ننا کوچہ ٹی ایس۔ نیاڑیک سِفت کرسا بڑزا بُٹ آلگسا ہنارہ۔ اسٹ نا دوٹی ککڑ اس ئس۔ اسٹ 3 اس کوتل کریسس۔ اسٹ پیماز و پٹاٹہ غان لوت اس پُر کریسس۔ اسٹ اس شڑدی اس بسیسس۔۔ خروا3 ۔۔۔پا3 ۔۔غلہ بڈ آتا بڈو دیچا انت انت گڑا ئسرہ۔ مون مُستی راہی ئسرہ۔ اسٹ اس توار کرے۔ ای تو پوسکن بسنٹ استو نا کہ نن راہی مسنن دا بیش ننا بد بخت ہندن ننے تنگ کرے۔ دیچا انت انت مرض اس ئس تے وار وار ٹیٹکائی کریکہ۔ گڑاتے بٹیکہ نن کلہ داسہ سر مسنن۔ دا پیر صاحب نا پن دیر ءِ ایڑھ؟ مانو توار کر ے سائیں مرشد ڈگری شاہ۔
دا گودیک گپ خلسا ہنارہ کہ اِرا بند غ سائیکل موٹر اسے آبسرہ۔ دا نیاڑی تا رہی آ اسٹ توار کرے۔ آئی نن بنگنن داڑے اسہ سید پیر مرشد اس بسنے۔ کل دنیا ءِ شفا بشخگ اٹی ءِ۔ ننے کسر ءِ تے ڈس ایتبو۔ مائیک توار کریر۔ ابا! مُستی ہندا بُٹ انا زی آ لگبو۔ ہموڑ ے خیسن ءُ جھنڈی اس خلوک ءِ۔ دا ور ناک ہنار۔ بُٹ آلگار۔ اسہ بھلو کشادہ ءُ حویلی اسے۔منہ ہلی پیشن تفوک ءُ۔ منہ ہچ سلوک ءُ۔ دافک دروازہ نا کنڈ آ ہنار تو اسہ پیر ءُ بابو اس بخیر اٹ کرے تا پارے پیر صا حب مراقبہ ٹی ءِ دا درخت نا کیرغ آن تولبو۔ ای چا چلم کیوہ نمے۔ پدا پیر صا حب ءِ نما بننگ نا اطلاع ایتوہ۔
دا خواجہ غا ک چا چلم آن فارغ مسر تو پیر صاحب اوفتے ہم خواہفے۔ حویلی ٹی پیہار بھلو برانڈہ سے کوڑ اس نیاڑی تولوک ءُ۔ منہ نرینہ ہم خننگرہ۔ پیرصا حب کمرہ ٹی تولوک ءِ۔ دا تومک آ خواجہ غاک کمرہ ٹی پیہار۔ دافتے روز گار نا گرج ئس۔ بس سر پیر صاحب آن دعا اس ہلنگ کن۔ پیر صاحب نا مون آ ادب اٹ توسر۔ اسٹ اس پیر صا حب نا مون اٹی غور اُٹ ہُرا مچہ حیران مس۔ پیر صاحب بشخندہ کرے۔ پارے یو سف کنے درست کریس یا کتویس۔ یوسف توار کرے نی رمضان اُس؟ پارے اؤ۔ ای نا کلاس فیلو رمضان اُٹ۔ یوسف حیرانی اٹ دا امر؟ پیر صاحب پارے ای در در نا ٹھوکر آتے کُنسا روز گار نا پد رند اٹ ئست، اخیر نا اومیت مسٹ دا بُٹ آجھنڈہ اس خلکٹ اوڑا لکھاٹ ڈگری شاہ۔ شروع کریٹ اللہ نا عبادتے۔ ہر اسٹ برسا اودے تعویز دم درود کرسا کریٹ۔ اللہ نا فضل اٹ کنا دم وتعویز آتیان ہر کس ءِ فا ئدہ رسینگسا ئس۔ مال وسامان اسباب ایسر۔ دا عزت کنے خدا نا کنڈ آن رسینگا۔ نوکر مزور کنے رسینگا۔ بس ہنداڑے اللہ نا عبادت ءِ کیوہ۔ لمہ باوہ کہ بریرہ پاش کیرہ کارہ۔ ای تینا رب اتون خوش اُٹ۔ کنا رب کنے آن بے حد خڑک بس۔ای اونا یا د اٹی مشغول اُٹ۔ہر س کنا راز ءِ پاپیس۔
یوسف چپ کرے، پارے واہ ڈگری شاہ اینو کنے ہم دعاس کر کہ ای ہم بر سر روزگار مر یو۔ تومک آ ک ٹھاکوس خلکر انتئے کہ چنکی نا سنگت ئسرہ۔ اسکول کا لج اٹی اوار خواناسر۔
**۔۔۔**

Facebook Comments
(Visited 33 times, 1 visits today)

متعلق براہوی حال حوال

براہوی حال حوال