مرکزی صفحہ / براہوئی / اللہ نا شکر

اللہ نا شکر

براہوی بدل :قاسم ناز بلوچ
بندغ اللہ تعالی نا تروکاتا اخس شکر ئے کش ئے ہم کم ئے
اسہ ورنا ئس اسہ نیک و بندغ ئسے تون پارے کہ اللہ غٹ مخلوق ئے مال و دلوت تسونے کنے ہچ اس تتنے!
نیک انگابندغ اودے پارے
ای نے اسہ لک ئس دینار ایتیوہ نا اسہ دوئس گُڈیوہ نا اَنت صلہ ئے؟
ورنا فریشان مس اودئے پارے
آخا آخا ای تینا دوئے تننگ کپرا
نیک انگا بندغ ولدا اودے پارے ای نے دہ لک دینار ایتیوہ نا اسہ نت اس گُڈیوہ
ورنا پارے ای تینا نت تے تننگ کپرا
نیک انگااسیکہ وا اودے پارئے نی اخس خواسہ ای نے اِرا ہمو خس ایتوہ نی تینا اسہ خن ئس کنے ایت
ورنا اودے ورندی تس پارے نی کنے جہان نا غٹ مال و دلوت اتے ایت ای نے تینا اسہ خن ئس ہم تفرہ
نیک انگابندغ پارے اللہ نے داخس جوانو نعمت تسونے نی انگہ پاسہ کنے اللہ ہچ اس تتنے اللہ ننے نمے جہان اٹ انت ئس تسونے نن اخس اوفتا شکر ےکشینہ؟
مونی ورناے پنت ترسہ پارئے بندغ ئے اللہ انت ئس تسونے بندغ اوفتہ شکر کشے بندغ ہرا حالٹ ارے ہمو حال آ تینا ساندہ اللہ نا شکر ےکشے اللہ بندغ ئے ہمودے ایتک ہراٹی خیر مریک ہمودے تفک ارا ٹی خیر ئس مفک
ورنا پارے نن بندغ آک اللہ نا تروکاتا اخس شکر کشن ہم کم ءِ!

Facebook Comments
(Visited 34 times, 1 visits today)

متعلق براہوی حال حوال

براہوی حال حوال