فیصلہ

نوشتہ: شیخ عتیق حسرت مینگل

بزرگ او پیہن ریشی تا ایہن عزت احترام ے کروئی ئے لیکن ای پیہن ریشی تا عزت احترام ے تینے آ فرض کرینٹ اسٹ اوفک تاریخی حوالہ اٹ بلو سرمایہ او:
اینو کھٹان خضدار ٹی سوب نا ناشتہ غا حاجی لعل محمدصاحب اسک ھم ساڑی اسر
مجلس حال احوال آن گڈ تاریخی نیمہ غا مون اڈسا باز آ تاریخی واقعہ او گپ آتن گڈ حاجی صاحب اسک سردار عطاءاللہ خان صاحب استا فیصلہ سے نا واقعہ ے بنفیر:
پوسکن سردار عطاءاللہ خان مینگل نا بروتاک شینگ اسر اوفتے دستار نا ذمواریک تننگار اولیکو فیصلہ افتئے بس باز سخت او فیصلہ اس اسکہ
فیصلہ دن اس:
مشتیٹی مخلوق رھینگاکہ مر مر آتیٹی اُراک اسر اسہ مش ئسے نا بغل ٹی اسہ مینگل ئسے نا اُرا اسکہ اسہ دے دے کیئلینگ نا وخت چار مہمان بسر اِرا ذالبول اِرا نرینہ!
اُرا خواجہ اُرا ٹی الو تینا ہچ ئنا رَندٹ اِناسوس دا ذالبول مہمان تیکن کُکڑ اس الک او مہمان تے پارے دادے تڑبو خیر مہمانک کُکڑ ے تڑیر شام اُرے مس اُرا خواجہ بتو ذالبول مہمان تیکن بیدیر شاغا کلی اس دیر پڑزونک ٹی اِرغ آتے تخا پارے نم ارغ کنبو داسکان اُرا خواجہ بتنے
مہمانک ارغ کنگر اُرا گودی تینا اَرغ کن تاسک ئسےٹی کتخ بڑز تخا انتظار کرے باز اُرے مس ولے اُرا خواجہ نا درک متو مہمانک خاچار اُرا گودی چاری اس خواجہ نا
نن نا آخری پاس آ داسہ نت تا تا توار مس گودی سوج کرے اَلہ اُرے کریس پارے ہُچ ئے خنتوٹ اُرے تما کنے
ات اِرغ آتے باخوس کنیو اُرا گودی پارے تا خواجہ مہمان بسونو نیکن ہُرار نی اُرے کریس اوفک خاچار دا پوسکن اِرا مُسہ باخو کنگوسس کہ کُکارائے شروع کرے اُرا گودی پراد کرے مہمانک ھم بش مسر ھنداڑ تون اُراخواجہ ساہ تس
سوب نا کفن دفن آن گڈ میت نا وارث خواجہ غاک نیاڑی ے پاریر دادے نی زار تسونس!
دا فیصلہ سردار عطاءاللہ خان مینگل صاحب ائے بسک سردار صاحب مہمان تے او اُرا گودی ے بٹنگا نیاڑی مر زُنڈا دانگ مجلس نا نیمہ غا بتو سردار صاحب پارے اَلہ اُرا گودی پاریر تا خواجہ پیشن ائے درخت ئسے نا سیخا ٹی تولوکے پارے بٹنگبو تا بس اوڑان ھم بیان الک
سردار صاحب تینا منہ بندغ رادہ کرے پارے نم دن کبو دبو رزان ئسے ٹی کتخ ھمو جاگہ غا تخبو ھراڑے اُرا گودی تخاسوس تا سوب نا کنے غا اتبو تا دافک اِنار کُکڑ اس تڑیر تینٹ اِرغ کنگر ایلوفتے رزان ئسے ٹی ھمو جاگہ غا تخار ھراڑے اُرا گودی تخاسوس تا سوب نا بش مسر دا مورینک آن پرے مورینک آتا جاگہ ئے پٹار بلو دوشہ اس خنار دوشہ ئے او ھندا رازان ئے سردار صاحب استا مجلس ائے ایسر سردار صاحب اُرا گودی ئے پنج صد رپئی گُد تس دوے کاٹم آتا تخا
میت نا وارث خواجہ غاک اُرا گودی آن معافی الکر
واقعی اللہ تعالی باز آ بندغ آتے بلو صلاحیت تسونے سردار عطاءاللہ خان صاحب استا ذھانت مشہور ے
ای دعا کیوہ اللہ تعالی سردار صاحب نا عمر اٹ برکت شاغے آمین

Facebook Comments
(Visited 28 times, 1 visits today)

متعلق عتیق حسرت

عتیق حسرت
شیخ عتیق حسرت مینگل ،براہوئی زبان نا پنی ونوشتہ کاراسے اوفتا داوخت اسکان مُسہ کتاب شینک مسنو ہرافتیٹ ہیراتاچمولی، تِرکَڑو شیکان اوارو۔ اوفتا تعلق شہوان ادبی کاروان نوشکے آنے شاعری آن بید نثراٹ ہم گچینو اندازاسے ٹی لکھرہ: