مرکزی صفحہ / براہوئی / لطیفیات آن گڑاس انشائیہ

لطیفیات آن گڑاس انشائیہ

گچین کار: شیر محمد سرپرہ
خواجہ حاجی عبداالطیف بنگلزئ صاحب ناگڑاس براہوئ انشاہیہ غاک:
"” سما "”
,, ای او اُست جنگ لگان پاریٹ
” نا دریکہ کنے تغان شاغا”
پارے:
او نادان اگہ کنا توار مف تو نی ہچ سما کپیس،،۔
……………………………………………..
” ارغ ”
,,. طبیب اس بینگن مننگ کن دارو تس۔
داسہ بینگنی نا مر کننگ کن ارغ نا گڑتی اے،،۔
……………………………………………..
"جتاہی ”
نن موت آن خلینہ کہ تینا سیال آتے آن جتا مرینہ;
ولے سیال آتے آن زند ٹی ہم جتاہی مننگ ٹی اے۔۔۔۔
……………………………………………..
"” طمع "”
کنے پارے:
زو اس کٹے تینا تور۔۔۔۔
ہراتم کٹ اے توریٹ او ٹی صد ٹنگ
اسرہ۔۔
……………………………………………..
” آدینک ”
آدینک ننے دروشم تون درست راستی کرفک’
اگر آدینک مف تو نن تینےاسل درست کپن۔
……………………………………………..
” آجوہی”
آجوہی دوہی کروکاک اولیکو بیرک اے دوہی کریر’
ولدا ڈغار او تلار نا فکر مس”
ڈغار دو بتو،،تلار دو بس؛؛
دو بروک آ بیرک نا لٹ تلار ٹی
گٹ متوکہ
تلار آخر تلار اے۔۔۔۔
……………………………………………..
"اواری”
موت وزند ٹی اس اے راز اسے کہ منہ وخت نن تینا چنا او ایلم تے تون اوار ان۔۔۔۔۔داکان پد تینا باوہ پیرہ غاتےتون کانہ جہی مرینہ””
گڑا خلیس انتہے۔۔۔۔؟
……………………………………………..
"بشخندہ”
بشخندہ کرسا ملنگ ٹی وملنگ تون بشخندہ کننگ ٹی اہل دانش فرق چارہ۔۔
ہندا فرق آ اینو ای ہم بشخندہ اٹ۔۔
است خواہک وہندا فرق نا فرق اے بشخندہ غا مون تون ہیل کبو۔۔
ہرسنا بنوکاک بشخندہ کرسا کر۔۔۔
……………………………………………..
” ٹھگ”
ای ہریفیٹ ،
ٹھگ نا نشانی انت اے؟،،
پارے
چغ تے کھڈ مریک’؛؛
دانگ اینگ ہراٹ غٹ نا چغ آک پٹ آتے ٹی ڈھکوک اسر۔۔۔۔۔،
……………………………………………..
"خدمت”
لوک بس آڑھتی اے ہیس’،،،
داسہ بروکا تاخدمت ننے کروہی اے۔۔۔
……………………………………………..
"منت واری”
ای منت وار اریٹ امو خیر خواہ تاکہ ایکہ کنے بشخندہ کروک او پھل اس سر پند مسر ولے کنا تہہ نا لمبہ اے کنا وجود آن ٹک تروک آ دے اے خنتوس’،،،
……………………………………………..
"روشنائی”
چھک آتا چڑچڑ تون دریہو کریٹ،ہراٹ کہ صاف تمانے—–! بش مسٹ کہ اللہ اے یات کیؤ !!
چھک آتیانبار بندغ ہم تہاری آن نرسا روشنائی نا پارغا مون کیک_____!
ہمو چھکاک کہ روشنائی توں چکار تخپسہ و تہارمئی تون سیالی کیرہ، اوفتے نن شوم و نحس خیال کینہ و اوفتا توارے ہم تینا حدحویل ئٹ پیڑزو افن !!
بندغ فطری وڑٹ روشنائی نا ساہدار ئسے ، اندا سوب آن او روشنائی ودی کروکا چندی گڑاتا پدرند ئے خلکنے !
بندغ نا جوڑ کروکا روشنائی تی آن ماڑی و گدان تیٹی ہچ شام بفک—–!!
ہم شام خاچنگ وخت آ مش ئنا ٹول آن کنا نگاہ شیف خلق ئنا پارغا تما، ہراڑان محسوس کریٹ کہ آسمان، استار تتون ڈغار آ شیف مسنے !!!
دا احساس ئے کنا نظرنا دھوکہ سرپند مفہ بو، کہ روشنائی نا حقیقی آ سرچشمہ آسمان ئے-انتے کہ دے ہم آسمان نا پارغان تجلا تیک ! ولدا استارک، گروک و توبے ہم آسمان آ گروشک ایترہ.!!
گڑا ہدایت نا روشنائی ہم ساگی آ آسمان آن شیف بس و نزور آ است و تہار آ دماغ آتے روشن کرے……..!
تو روشنائی ننا بنیکی و قدرتی آ ضرورت آ تتون اوار روحانی و آخبتی گرج ئس ہم گؤنینگک——–!!
(انشائیہ نا کتاب "گڑگیس” ص: 19)
……………………………………………..

Facebook Comments
(Visited 19 times, 1 visits today)

متعلق براہوی حال حوال

براہوی حال حوال