مرکزی صفحہ / براہوئی / براہوئی میڈیا انٹرنیٹ

براہوئی میڈیا انٹرنیٹ

نوشتہ :شیخ عتیق حسرت مینگل
زبان آتا ترقی و ترویج ھمو وخت ممکن مریک ھرا وخت ھمو زبانا تیکن خید خواری کروکو عملی او بندغ میدان ائے مرے زبان آک ھچو وختس ختم مفسہ بیرہ نابودی نا لائخی تا سوب زبان آتے نسخان رسینگک
ایلو دا کہ زبان آک اکثر ہمسایہ زبان آتن متاثر مریرہ
اولیکو ھیت دا کہ:
کل آن بلا مکتب لمہ نا بغل ے لمہ جیجا نا بغل ٹی چناء انت ھیل کرے ھمو وڑ ھیت کیک ننا زبان ے اکثر نسخان ارا غان رسینگک
اونا وجہ دادے نن چناء تون چچ ھیت کینہ او کوشش کینہ چناء چنکی آن اردو یا انگلش ھیل کے یا گڑا تینا زبان تون داخہ ظلم ناروائی کینہ تینا لوز آتے بے جاگہ او نادرست او الفاظ رواج ایتنہ دنکہ بلہ ے (بلا لمہ) پیرہ ے (بلا باوہ) باوہ ے (ابو) لمہ ے (امی) پاننگک چناءتے دا ڈول سبخ ملک ارٹمیکو گپ:
اگر لمہ یا باوہ سرکاری ملازم او تو بجائے براھوئی نا چناء تون اردو یا انگلش ٹی ھیت کیرہ ھراڑان ننا زبانے زیات نسخان رسینگک
انتیکہ ھراڑے کنا چنااے (کوٹی) پاروئی ے اوڑے او روم پائک ھراڑے اودے (بیختی) پاروئی ے او ناشتہ پائک تا ھراڑان ننا بروکا نسل تینا باز آ لوز آتے ختم کیک ھنداڑان کرا کرا زبان آتئے بلو اثر تمک
ایلو داکہ لمئی زبان تے تعلیمی نصاب اٹ بائدے دہ جماعت اسکان ضروری قرار تننگہ نہ تو داڑان ھم ننا زبانے بلو نسخان رسینگک انتیکہ چناء او گڑا ے تینا زبان اٹ زو سر پند مریک بجائے اودے اردو ٹی یا انگلش ٹی پُہہ کننگہ
مسٹمیکو گپ
اخس کہ ننا ادبی تنظیم آک اریر بائدے اوفک تعلیمی ادارہ تیٹی براھوئی ٹی پروگرام اڈ ایتر او لوزانک نا زی ائے کاریم کیر آزمانک او خلقی قصہ غاتا پٹ پول کیر داڑان ننے بلو مڈی دوی مریک او ننے بلو کچ ئسیٹی مواد رسینگک اگر لوز اس ننے سمج متو تو تینا پیرنگاتا مجلس ے اَلین اوفتان کمک الین
چارمیکو ھیت
مسجد آتیٹی ننا خطیب آک بائدے سُہب نا نماز آن گڈ لمئی زبان تیٹی تفسیر خوانفر داڑان ھم ننا زبان بچک او مخلوق پُہہ ھم مریک قرآن او حدیث نا خدمت تون اوار اوار دوی نا خدمت ھم مریک
پنجمیکو ھیت
افسوس کلان بلا ھمو وخت مریک ھراوخت پاوال نا فٹبال یا کرکٹ گراونڈ ائے کمپئرنگ اردو ٹی مریک بائد نن کوشش کینہ تینا جند ئنا بولی ٹی کمپئرنگ کین ننا مخلوق گوازی نا وڑ ڈول آن آگاہ ھم مریک ایلو داکہ پیشن نا مخلوق ے زبان نا باز آ لوز آک دوی مننگ کیک
ششمیکو ھیت
مدرسہ تیٹی بائدے ہر کلاس نا اسہ اسہ سبخ لمئی زبان تیٹی مریر ھراڑان ننا چناء تیکن لمئی زبان نا ھیل کننگ ٹی ھچو دقت مشکل اس مفک
ھفتمیکو ھیت
نن بائدے مسج تینا لمی زبان تیٹی کین او دادے رواج ایتن براھوی بلوچی پشتو ہر اسٹ ھندا رواج ے عام کیر داڑان ھم زبان تے باز ترقی ملک
ھشتمیکو ھیت
پاوال نا مخلوق تون بش تول کین انتیکہ اوفتون اکثر لوز آک خوندی او قصہ گوئی ٹی کمال نا مہارت تخرہ ثقافت گوازیک باز آ ثقافتی گڑاک چاچا آزمانک پین کہی لوز آک ھم اوفتون خوندی او خصوصا بجگت شوان او مالدار آ مخلوق
دا کل ھیت آتا مسخت نمے اسہ نیمہ سے اشارہ کروئی اس ھرا نن اودے براھوی زبان کن خدمت کننگ ے
بغیر مسخت او لالچ آن تینا بولی کن ھمیشہ خید خواری کننگو
ای صد سلام پیش کیوہ
brahvimedia.net نا بانی ثناءاللہ جان مینگل امداد شفیع عظیم حسنی او اوفتا مچ ٹیم اے
اوفتا محنت کوشست آن براھوی زبان اینو میڈیا ٹی خواننگک
brahvimedia.net براہوئی زبان نا اولیکو ویب سائٹ اے ہراکان آن لائن براہوئی کتاب خواننگ کن دوئی مریک:
براہوئی میڈیا تلار اخبار اے آن لان نیٹ آ مخلوق کن دوئی کرے
اینو بلو مخلوق اس ملک او ملک آن پیشن تولوک آک براھوی میڈیا نا کمک اٹ پوسکن شینک مروکا کتاب آک او ھفتئ تلار ے خواننگ کن موقع ملک
اللہ تعالی کنا کوپہ عظیم جان حسنی ،ثناءاللہ مینگل وامدادشفیع نا عمر اٹ برکت شاغے
او براھوی میڈیا ے پین خدمت کننگ نا توفیق ایتہ
لکھ منت وار

Facebook Comments
(Visited 46 times, 1 visits today)

متعلق براہوی حال حوال

براہوی حال حوال