مرکزی صفحہ / بلوچی / دو بیست پنجاہ۔۔۔۔۔۔۔۔۔۔۔

دو بیست پنجاہ۔۔۔۔۔۔۔۔۔۔۔

ملک جان کے ڈی ۔۔۔۔

بلوچی تامر منی زیادہ مجگ ءَ نہ لگیت پرچہ کہ منا زیادہ بلوچی تامر دوست نہ بیت ۔ ہاں لہتئےتامر بلوچانی ہم ھراب نہ اِنت ۔ کموباز فضل حیات، راشد حسن ،حفیظ لعل، انور غلام اے کارستانی تامر کموباز چارگ کرزنت ۔ پرچا کہ پنچ ءِ لنکگ یک کد نہ اِنت زاہر ءِ کہ چیزئے مردمئے تامر شر اِنت ۔ بلئے مرچی من یک تامرئے چارتگ آ ہم بلوچی تامر اِت بلئے وتی مٹ وت اِت دیگہ راہ نزان ءَ منا سک باز دوست بوت ۔ آئی تہا گپانی کماہگ چوں مار مُرگ ءَ تنت۔ آ وتئی مٹ وت اِت ۔۔۔

اے بلوچی تامر ءِ سرا سک باز کار کتگ ہما ڈارکٹر ءَ کہ اے وڑے تامر ءِ جوڑ کتگ ۔۔ اے تامر واجہ شاکر شاد ءِ گت ءُ ایش ءِ تہا یک بلائیں کردار ءِ واجہ اللہ بخش حلیف ءِ گت۔ اے تامر ءِ نام” دو بیست پنجاہ ” ات ۔

پرچا منا دوست بوت اے تامر ءَ وتئی چاگرد ءِ راہ شونی کتگ۔ اوں دومی گپ ایش اِنت کہ اے تامر بندات بوگ ءَ من دربرت ءُ سرجم کت ۔ چونائی اللہ بخش حلیف وت یک شرئیں ازمکار ءِ ۔ ءُ پدا اے تامر چہ آ تامرانی حساب ءَ اللہ بخش ءَ گیشتر کار گریگ بوتگ ۔۔۔ ءُ یک شرئیں وڑ ءَ حلیف ءَ ازمکاری کتگ ۔۔

چوناہ ءَ غلامو یک مہروان ءِ جنرلسٹ ءِ کردار ءِ گون اِنت۔ غلامو ءَ لوٹیتگ کہ من وتئی چاگرد ءِ ہما چیرئیں چیز ءَ پدر کنگ اوں لس مہلوک ءِ دیما آرگ بلئے اے وڑ آئی ءِ ڈارکٹر ءَ نہ منیت ۔ غلامو یک دلیر ءِ جنرلسٹ اََت اوں اے کار ءَ پہ کار نہ زوریت بلکئے وتئی عبادت سرپد بیت ۔۔۔ وھدے کہ غلامو وتئی کار ءَ یل دنت ءُ دیم پہ گَس ءَ کیت اے وشئیں ھال ءَ وتئی لوگ بانک شکیلہ ءَ دنت ۔ ءُ گُشیت کہ من کار وتئی یل کتگ اے مردم منی موڈ ءِ نہ اِنت دراہ ءَ دروگ بند اِنت من دروگ بندانی تہا چوں کار کت کناں ۔۔ ہمے وشئیں ھال کہ شکیلہ ءَ گُوشاں کپت ءُ زہر گیت وتئی مردئےسرا ءُ گُشیت کہ منی سیاد ءُ وارث دراہ مزئیں مزئیں مردم اِنت نو منا چئے گُشنت منی سیاد ؟ شکیلہ ءَ راہ وتئی مرد بزان غلامو سک باز دوست اِنت ءُ بلئے شکیلہ ءَ راہ وتئی سیادانی ٹوک وش نہ اتکگ تنت ۔ گژن ءَ چہ گیش وتئی مردمانی شگان ءَ ترسیتگ ات شکیلہ ءَ ۔ اوں پدا شکیلہ ءِ سیاد مہ درملکاں تنت۔ پیسہ ءِ لالچ ءَ ہم کمو شکیلہ ءَ راہ بیوار کتگ ات ۔

پدا دو گلاب ءِ پُل ہم غلامو ءَ ہست تنت ۔ غلامو گوں وتئی دوئیں چُک ءَ گوں سک گَل اِت۔ اوں یکے پرئیں مات اَت ۔ کہ غلامو ءَ را مدائم گُشتگ ات ءِ کہ گوں مردماں مہر بہ کن تو ہچ بر تہنا نہ بئے ۔ ہما روچ ءَ پد من گوں ہر مردم ءَ مہر ءُ دوستی بنا کت بلئے انگاں مرچی من تہنا اَنت ۔ اے گپ ءَ گوں وتئی سنگت قاضی ءَ تران کناں اِنت غلامو ۔

قاضی منا اے مُلورئی اے تہنائی چہ گوازنگ ءَ گوں اَنت۔ اوں ہر مات ءِ دل ءَ ہر چُک یک روژنئیں چراگ ءِ بستار ءَ زانگ بیت۔ اے درائےچک وتی پت ءُ ماتانی چمانی روک انت بے دم اے چُکاں بزان پت ءُ مات چہ ہردو دیدگ ءَ کور اِنت ۔

قاضی ادا کور ساروگ انت او کور رہدربر گلہ کنئے یا نہ کنئے چراگ تہنا اِنت۔ قاضی منا زان ءِ چئے گُشت ءِ گُشیت کہ ادا ہما آدینک ءَ پیشدار کہ آ آدینک واجہ ءَ دوست بئے ۔ بلئے منی کرا اے ڑولئے آدینک منی گورا نیست اوں پدا منا وتئی جند ءِ ضمیر ہم ملامت کنت ۔ پرچہ کہ منا مودام مات ءَ گُشت ءَ کہ ہر وھد ءَ گپ راست ءِ گپ بجن چائے سر تئی گوڈگ بہ بیت بلئے گپ ءَ راست بجن۔۔۔ پہمشکہ من دروگ بندانی گوماں کار کت نہ کن اِنت ۔۔۔ اگاں نیوز والا کہ دروگ بند ءَ گڑا تو اے سیاسی لیڑرانی سرا چوں اومیت کَشئے بارے ۔۔۔۔ پچا ترا ہما دست ءَ واب کیت گڑا ہما دست ءَ وپس ۔۔۔

غلامو تو شہداد ءَ زان ءِ ۔۔۔ اہو ۔۔۔۔۔۔ شہداد ءَ پرچا اے میتگ یل کت۔ اوں شہداد ءَ مدائم گُشت کہ شپاں دپ ءِ توار سک دوُر رُوت اوں گنوک واب ءِ تہا گپ جن اِنت ۔ ہمے گپانی گُشگ ءَ پد میتگ ءِ مردماں شہداد گنوک ءِ لیکت۔۔۔ غ۔۔۔۔ گڑا قاضی شہداد تئی دل ءَ گنوک ءِ نہ بوتگ؟ ۔۔۔ انا شہداد گنوک ءِ نہ بوتگ آئی دل ءَ میتگ ءِ مردم گنوک اَنت۔ اوں شہداد ءَ دیگہ یک گپ ءِ ہم گُشت کہ زندگی سک باز وش اِنت بلئے مدامی نہ اِنت ۔۔ ۔۔۔۔۔غ۔۔۔۔ گڑا شہداد ءِ گنوکی ہم مدامی نہ بوتگ ۔۔۔۔ ہاہاہاہاہاہاہاہاہا۔۔۔

ہمے زندگی ءِ چست ءُ ایر ءَ غلامو سک باز پریشان اَنت کہ وتئی زندگی ءَ چوں تیلک بئے دئے۔۔ جن ءَ راہ زر ءِ ھوشام ءَ جتگ۔۔۔ اوں دومی وتئی مردمانی شگانانی ترس ۔۔۔۔ سیمی غلامو ءَ پورپ ءَ رون بئےدنت کہ باز زر کاریت ۔۔۔ غلامو ہمے گرانادی ءِ سبب ءَ یک برف ءِ کارخانہ ءَ کار کنت ءُ وتئی روچ ءَ گزران کنت بلئےانگاں لاپ ءِ گزران نہ بیت۔ گڑا غلامو ءِ دلی دوست قاضی غلامو ءَ یک رشکائے گیت ءُ دنت غلامو روچ ءَ برف ءِ کارخانہ ءَ کار کنت ءُ شپ ءَ رشکاہ ءَ چلاہینت ۔۔۔ بلئے جنین ءِ دپ انگاں پرنہ بیت ۔۔۔۔۔ جن ہر شپ غلامو ءَ مجبور کنت کہ غلامو مجبور بہ بیت پورپ ءَ بروت۔۔۔۔۔

غلامو آخر کار مجبور بیت اے جنین ءِ ہم روچی واز ءَ پنت ءَ غلامو سیاہ دل اَت ۔۔۔ گڑا غلامو روت وتئی مات ءَ ھال دنت ءُ وتئی چُکاں مات ءِ امانت کنت ءُ رھادگ بیت ۔ اوں پدا وتئی دلی دوست قاضی ءِ گورا روت ءُ اجازت گیت وتئی چُک ءَ رخست کنت ءُ دیم پہ پورپ ءَ جنزان بیت گوں چیزئے مردم ءِ ۔۔۔

اے راھ ءَ غلامو سک باز عزابی گیندیت ۔۔ سک بزگ بیت شپ ءَ کوھانی تہا وپسگ سر جاھ ءِ بدل سنگ اِنت ۔۔ گژنگی، بزگی، لاچاری، درآمدی ، بے واری ہچ سگگ بایگ ءَ نہ اَت ۔۔۔۔ وتی چکانی یاد کیت ارس مہ چماں ءَ شیپگراں اَت ۔۔۔ پاد مہ سنگ ءَ تراول کتگ ات۔۔۔ جاگھے سوار جاگھے پیدل انچو رواں تنت۔۔۔ دشمن ءَ تیر چوں ہور ءَ گورت مئِے سرا بلئے مئے کاروں جنزان اَت۔۔۔ مئے ہمراھانی ءَ تہا چیز ءِ دیگہ زبان ءِ مردم گوں اِنت ۔۔۔ہم ہمے ادارہ ءَ دیم پہ پورپ ءَ روگ ءَ انت وجہ مول ءُ مراد بس پیسہ اَت ۔۔۔ ۔۔ اچانک ءَ مئے سرا تیر شلت اوں مہ تچا بس تچا ۔۔۔۔۔ بزان دیما ملک ءِ سیمسر بند دنت ۔۔۔ چہ ہمے داہ منی درست ءِ ہمراہ واتر انت منا سک باز منت ءُ لیلا کُت بلئے منا واترگی نہ اِنت ۔۔۔ من جیڑیت کہ منی ہو راھ مرگ انت یا منزل اِنت ۔۔۔ من وتئی منزل ءَ سرجم کن انت ۔۔۔ ہو منی ہودا چئے ہست کئے پہ من زہیر وار اِنت ۔۔ بس منی یک ءِ مات ءُ دوئیں چُک اوں یکئیں منی دوست قاضی جان ۔۔۔ ایش ءَ چئے ابید منا ہودا چئے ہست ۔۔۔ من وتی منزل ءَ سرجم کن اِنت ۔۔۔ منی ہمراہ واتر اِنت من گوں وتئی بیگ ءَ دیم پہ منزل ءَ رہادگ بوت ءَ ۔۔۔ چیزے روچ ءِ پند ءِ برگ ءَ پد من ھلاس بوت ءَ ۔۔۔ بلئے وتئی ہمت ہار نہ دات ۔۔ ہر زھانی سرا تیر بس شنزگ ءَ ات ۔ تیر ءِ شوم ءُ تیر ءِ شازدہ ہمے شانی تہا یک تیر ءِ اتک مہ غلاموی دلبند ءَ دوچار کپیت ءُ غلامو امدا کپیت ءُ منزل ءِ ناسرجم بیت۔۔۔ جنین ءِ واہشت ہم سرجم نہ بنت۔۔۔۔۔۔
…….. ۔۔۔۔۔۔۔۔۔۔……… ھلاس۔۔۔۔۔۔۔…………….۔۔۔۔۔۔۔۔۔۔۔۔۔

Facebook Comments
(Visited 26 times, 1 visits today)

متعلق Story

Story