مرکزی صفحہ / بلوچی / سید ہاشمی اکیڈ می ماڈی ءِ زنگی ایں کبل ءُ نوک گچین بوتگیں باسک!!

سید ہاشمی اکیڈ می ماڈی ءِ زنگی ایں کبل ءُ نوک گچین بوتگیں باسک!!

عبدالحلیم

سید ہاشمی اکیڈمی گوادر ءِ ماڈی 10جون 2007جو ڈ کنگ بوتگ۔ سید ہاشمی اکیڈمی چد ءُ پیش ماکراچی ءَ ادبی چِست ءُ ایر کنگ ءَ بوتگ ۔ سید ہاشمی اکیڈمی بلوچی زبان ءِ شھز انتیں لچہ کار، زبان زانت ءُ پٹ ءُ پو لکار ھدا مرزی سید ہاشمی ءِ سنگت علی عیسیٰ ءُ ھدا مرزی جی آ ر ملا ءُ دگہ بلوچی زبان ءِ واھگ داراں جوڈکتگ تنکہ سید ءِ بنگیج کتگیں لبزانکی کار دیم ءَ برگ بہ بنت ۔
علی عیسیٰ ءُ ھدا مرزی جی آر ملا ءُ آ ئی ءِ لبزانکی سنگتاں سید ءِ بلوچی زبان ءِ بر ورد سید گنج دیم ءَ آورتگ۔ اے یک جو انیں گامگیج ات کہ بلوچی زبان دائم چر یشی ءَ ابد مان بیت ۔ سید ء ِ بازیں کتاب ھم اکیڈمی ءَ نوک چاپ ءُ شنگ کتگ۔ انوں جی آر ملا ئے کلیات ہم چاپ ءّ شنگ کتگ۔
سید ہاشمی اکیڈمی سید ءِ وابانی معنا ءِ پژ در ءَ یک مزنیں ارزشت ئے داری ایت۔ ابید چہ ایشی ءَ بلوچی زبان ءُ ادب دیمرئی ءَ ہم مزنیں بستار ئے ءِ واھُند انت ۔
گوستگیں روچاں سید اکیڈمی ءِ گچین کاری بوت انت کہ اکیڈمی ءِ شرپ مندیں باسکاں واجہ علی عیسی صدر نامینتگ ۔ اے اولی رند انت کہ گچین کاری ءَ پد اگدہ دار نامینگ بوتگ انت۔چدءُ پیش اکیڈمی ءِ باسک بلا مقابلہ دیم ءَ اتکگاں ۔
لہتیں سال بیت کہ اکیڈمی وتی بُنکی ذمہ واریاں پیلو کنگ نہ انت۔ اے بابت ءَ بازیں ادیبانی گوشگ انت کہ اکیڈمی ءِ آ ڈول نام انت ہما داب ءَ چست ءُ ایر ءُ سر گرمی نیست انت ۔ بس سید ءِ بوتن ءُ بیرانی ءِ روچ دارگ بنت ۔ ھدامرزی جی آر ملا ءِ سال روچ اتکگ بلے جوانیں وڑے ءَ روچ دارگ نہ بیتگ۔ دگہ ھدا مرزی بلوچ ادیبانی روچ اے اکیڈ می ءِ چیر دستی ءَ ھچبر دارگ نہ بنت۔ ھدا مرزی امام بکش امام اکیڈمی ءِ جوانیں باسکے بوتگ ءُ پہ بلوچی لبزانک ءَ واجہ ءِ کار ءُ کرد باز انت بلے روچے روزگارے واجہ امام یات کنگ نہ بیت ءُ نیکہ سید اکیڈمی ءِ کار انی ساڑا ھگ ءَ پہ دیوانے ٹھینیت۔
گواچنی ءَ سید ہاشمی اکیڈمی پہ بلوچی ادب ءُ زبان ءَ یک بلا ئیں مڈی ئے۔ پدا اے بلوچی شھزانت سید ءِ نام ءَ جوڈ کنگ بیتگ اگاں بند بہ بیت یا باسک ئے بے ہاٹیگ ءُ بے تھنبل بہ بنت تہ اے بلوچی ادب ءِ دیمر ئی ءِ جز بگاں ھم نزرو کنت۔
بایدانت کہ اکیڈمی ءِ نوک گچین بوتگیں اگدہ دار اکیڈمی ءِ زنگی ایں کبل ءَ نگد یں نگائے بہ چار اَ نت ءُ ہما ایرادی گپ ءُ باوست دیم اتکگ اَنت آیانی ھلاس کنگ ءِ جہد ءَ بہ کن اَنت۔
اکیڈمی بلوچی ادب ءِ بُنجلے جوڈ کنگ بہ بیت ۔ھرچ ماہ ادبی چست ءُ ایر بہ بنت، پٹ ءُ پول ءُ نوکیں کتابی چاپگ ءُ شنگ ءِ کارانی پجی ءَ اے دگہ المی ایں ادبی کار کنگ بہ بیت تنکہ زنگی ایں کبل ءِ شگان مدامی گا ربہ بیت۔
بلوچی زبان ءُ ادب زندگ بات ۔

Facebook Comments
(Visited 38 times, 1 visits today)

متعلق عبدالحلیم

گوادر میں مقیم عبدالحلیم کل وقتی صحافی ہیں۔ مقامی مسائل کی کوریج میں دلچسپی رکھتے ہیں۔ صحافت اور ادب کے امتزاج سے کام کو ترجیح دیتے ہیں۔ Email: haleemhayatan@gmail.com